Seetha - Ravana Chariot Path

Amaranath Ranatunga - video background for the official web site

Kodigaha Kanda

රම්බොඩ ඇල්ල

මෙම ලිපියෙන් බලාපොරොත්තු වන්නේ පේරාදෙණියේ සිට නුවර එළිය දක්වා A 5 මාර්ගයේ යන එන අයෙකුට එකවර දැකගත නොහැකි නමුත් එම මාර්ගයේම ඇති මනරම් රම්බොඩ ඇල්ල පිළිබඳ තතු ඔබ වෙත ඉදිරිපත් කිරීමටයි.

ලංකාවේ උසින් 11 වන ස්ථානය හිමිකර ගන්නා රම්බොඩ ඇල්ල ලෝකයේ දිය ඇලි අතුරින් 729 වන ස්ථානය හිමි කරගනී.

මෙම දිය ඇල්ල නැරඹීමට නම් පේරාදෙණියේ සිට පැමිණෙන්නෙකු රම්බොඩ නව උමං මාර්ගය ආරම්භ වන ස්ථානයෙන් පහළට ඇති මාර්ගයේ ගොස් " Ramboda Falls " හෝටලය තුලට පැමිණ රම්බොඩ ඇල්ල ඉතා පහසුවෙන් නැරඹිය හැක.( නමුත් ඒ සඳහා හෝටල් කාර්ය මණ්ඩලයෙන් අවසර ගත යුතු වේ.)

නැතිනම් රම්බොඩ පාලම අසලින් පහලට ඇති අඩිපාර ඔස්සේ පහලට බැසීමෙන්ද රම්බොඩ ඇල්ල නැරඹීමට හැකියාව ඇත.

                 
                              2006 ට පෙර A5 මාර්ගයේ රම්බොඩ පසුකිරීමට තිබූ පැරණි මාවත.



2006 න් පසු A5 මාර්ගයේ  රම්බොඩ පසුකිරීමට ඉදිකළ නව උමං මාර්ගය.



සටහන සහ ඡායාරූප :- සජිත් මදුශාන් අබේගුණවර්ධන

සමනල සිහිනය...!

ජීවිතය විඳින්නට තැත් දරද්දීම
දේදුන්නක පැහැය පොවා
මා අතට පත් කල,
අහම්බෙන් මා සොයා පැමිණි
සමනල සිහිනය...

පැහැබර අනාවක උරුමය දකිනු රිසිව
මුදු, රිසි සේ සැරූ
වා පොදක් වන් සැහැල්ලුව
අළුයම ලූ කෙලපිඬක් සේ ඉවතලා
දෝතින් ගත්
සමනල සිහිනය...

මවුන් නෙතු කඳුලින් පිරෙද්දී
සොයුරන් අගය වයද්දී
නුඹ පමණක්ම එරෙහි වෙද්දී
අහිමි වන නිදහස ගැන පහදා දෙත්දී
සුපුරුදු පරිද්දෙන්ම
නුඹ- මා පමණක් පසෙකලා
අන් සැම සතු‍ටු කරනු උදෙසා
මා ‍තෝරාගත්
සමනල සිහිනය...

සිහිනයක් පමණක් නොවී
නුඹ- මා අතරට
දැවැන්ත ප්‍රාකාරයක්ව
පාරාවළල්ලක්ව
මා අසරණ කොට තලා පෙලා
මා සමඟ බැ‍ඳෙන්නට පැමිණි
ක‍ටුක,
සමනල නොවන
සමනල සිහිනය...!

තනුජා මනෝහරී
05/03/2013

සවිය

මුවඟ ‍රැඳුනු මන්දස්මිතය
දිනෙන් දින දිනෙන් දින
දියවෙමින්, ක්ෂය වෙමින්
මගෙ මුවෙන් නික්මෙන්නට
දරන තැත
බලනු මැන නුඹ
නෙතු විදා....
සිහිනෙකට ගොඩ වැදී
නුඹ තවරාපු මුදු සුවඳ
පමණමයි සන්තකව
ඇත්තේ....
වත්සුනු රහිත වත මඬලට
කොන්දේසි විරහිතව
නුඹ තිලිණ කල පෙම
දිරි දෙවයි
නිති වැලපෙමින් දැවෙන
මා සිතට
නුඹ අගෙයි
මෙ දියටත් වඩා
මට
මගේ හදවතට
හැමදාම....

තනුජා මනෝහරී
16/11/2010

කඳුල

කඳුල යනු,
දුකම පමණෙකැයි සිතීමි මම
පෙර දිනෙක...
නමුදු දනිමි අද...
කඳුල යනු දුකම පමණක් නොව
සැබෑ පන්නරය බව,
සිතේ කැටිවුණු අසීමිත සවිය වග...
කඳුළු නොවැ‍ටුණු දෙනෙත්
කඳුළු නොගැලූ සිතක්
ලෝකය හමුවේ ජයගෙන නොමැති බව...


තනුජා මනෝහරී
21/06/2006

ආදරයෙන්....

දනිමි නුඹ කවිසිත,
මට පෙම් බඳින.....
ආදරයේ නුරාව,
විඳිමි හැම කල.....
ආදරෙයි නුඹට,
හැමදාම......

සජිත් මදුශාන් අබේගුණවර්ධන

නුඹ

සිත සනසන       -   යළි රිදවන
මගේ මුවට        -   සිනා ගෙනෙන
මා වෙනුවෙන්    -   නිති කැපවෙන
මගේ සිහින       -   පාට පොවන
හිමි සඳු නුඹමයි  -   මගේ ලොවට
සෙනේ සිතින්    -   එළිය ගෙනෙන

තනුජා මනෝහරී
20/03/2013